王丹妮、廖子妤和梁仲恆在電影《焚城》中都是演消防員，王丹妮與梁仲恆是前線消防員，廖子妤則是後勤。作為前線消防員，王丹妮和梁仲恆在拍攝前都要接受嚴格訓練，力求呈現消防工作的真實面貌，除了學習如何穿着「黃金戰衣」消防制服、操作爆破工具、掌握各種專業術語、手勢等等，還要通過體能訓練來培養團體精神，劇組在開鏡前亦特意為演員們安排了各種消防特訓活動，當中最有挑戰性的可就是在高空繩陣移動，他們要在一幢20多層高的大廈天台做準備，一眾演員都相當興奮，唯獨畏高的廖子妤嚇到爆喊，講到她在戲中是後勤人員，根本不用嘗試，她笑指當日看到王丹妮一枝箭走上去，自覺都能做到，誰知一上到去發覺真得很高，要踏出第一步時真心覺的生命是止於此，又說拍攝時看到他們入火場吊威也，雖然自己畏高，但如有機會演前線消防員，她一定會嘗試克服恐懼。
至於王丹妮和梁仲恆表示拍攝時正值夏天，要穿着一整套消防員制服拍攝，可說是非常辛苦，拍完都瘦了不少。王丹妮笑謂，「我在戲中是madam，自我要求更高，拍攝時都日日操練，以應付數十公斤的裝備，夏天天氣很熱，每日收工除鞋都一腳汗。」
文：黃佩麗、圖：林賓尼
原文網址：https://std.stheadline.com/realtime/article/2029357/%E5%8D%B3%E6%99%82-%E5%A8%9B%E6%A8%82-%E7%84%9A%E5%9F%8E%E4%B8%A8%E7%8E%8B%E4%B8%B9%E5%A6%AE%E6%A2%81%E4%BB%B2%E6%81%86%E6%BC%94%E6%B6%88%E9%98%B2%E5%93%A1%E6%8B%8D%E5%AE%8C%E6%9A%B4%E7%98%A6-%E5%BB%96%E5%AD%90%E5%A6%A4%E5%90%8A%E5%A8%81%E4%B9%9F%E5%9A%87%E5%88%B0%E7%88%86%E5%96%8A
魏浚笙高空倒吊貨櫃未驚過 獲影帝讚：醒目仔
藝人王丹妮（Louise）夥拍魏浚笙（Jeffrey）、謝君豪、梁仲恆（阿炳）、廖子妤等日前為災難片《焚城》接受訪問，飾演聯和墟消防局團隊唯一女性前線女消防隊友的Louise，談及在最炎熱的盛夏中，拍攝烈火及輻射洩漏的驚險場面，坦言相當辛苦，因角色屬不服輸性格，所以動作戲均親身上陣，她說：「我係Madam，感覺要同啲男仔差唔多，孭住個（氧氣）樽跑，遇爆炸時又要飛撲出去。」問到可曾受傷？她Man爆謂：「撞瘀喺基本，因為都要着住黃金戰衣（消防員制服），所以熱到除鞋時會有（汗）水流出嚟，拍到面都凹埋。」
不過飾演其下屬的Jeffrey就算被倒吊在幾層樓高的貨櫃上逾45分鐘，冒腦充血之危仍然覺得好玩，他說：「唔係連續吊住，係斷斷續續咁拍，我冇畏高，所以拍嗰陣唔係好驚，因為集中喺演繹上，同埋會試位。（克服到？）都幾順暢嘅，但消防帽成日遮咗個樣就難搞啲，不過對我嚟講個樣唔係好緊要。」
片場經歷幾個月的「活乾煎」日子，但他卻表示可跟謝君豪合作而自感「賺咗」，他謂：「原來豪哥同我老竇同年，但佢好親民又唔計較，問佢問題會好認真答，我記得有場較多情緒嘅戲，佢好詳情講咗45分鐘，似上咗戲劇班咁。」又讚年屆61歲的謝君豪體力不遜於一眾年輕人，他謂：「我做開Gym玩體能，都覺得佢厲害，跑得好快。」
而謝君豪就大讚Jeffrey是醒目仔，在開拍前參加劇組安排的「圑建」混熟，他說：「即係圑隊建立，畀我哋打排球、燒嘢食時聯絡感情，發覺好吹得，我哋圑結嘅嗰感覺唔係演出嚟嘅，佢好好學又鍾意同人傾偈，好想幫佢。」問到Jeffrey講對白可有食螺絲？謝君豪搞笑說：「佢冇食螺絲，消防員戴咗面罩都唔使講嘢。」
原文網址：魏浚笙高空倒吊貨櫃未驚過 獲影帝讚：醒目仔 | on.cc東網 | 繽FUN星網 https://hk.on.cc/hk/bkn/cnt/entertainment/20241014/bkn-20241014200126208-1014_00862_001.html