張毓軒入戲深難自拔 王丹妮收工做自己 靠個女抽離
王丹妮與小師弟張毓軒拍攝新驚悚劇，劇中充滿血腥暴力，張毓軒無法抽離暴瘦3KG，王丹妮就慶幸女兒助她做回自己。對劇中帶出人性醜惡臉，他們自爆被人呃過，是鱷魚頭老襯底。
憑電影《梅艷芳》獲金像獎最佳新演員獎的王丹妮，與新演員張毓軒（Shin）在ViuTV新劇《那年盛夏我們綻放如花》中合作演姊弟，他們出自同一模特兒公司，屬同門且經歷過做模特兒的最窮日子。王丹妮試過戶口只有幾十元未能從櫃員機取錢，要用雞蛋及薯仔撈飯，為生計做過售貨員、快餐店及派傳單。Shin以前試過一邊做廚師，一邊做模特兒和演員，故兩人特別同聲同氣。
提到劇中只要「已讀不回」便會爆頭慘死，Shin談及要被血漿槍射臉的痛感，依然會不安：「拍攝時情緒好悲觀，3個月好抑鬱、好沉好頹，體重跌咗3KG。」王丹妮角色好權威，跟性格活潑的她不同，在鏡頭前她相信自己只是角色，收工做回自己：「見到個女就變番自己，同埋食自己鍾意嘅嘢。（平時會已讀不回？）我淨係會對老公已讀不回，想嚇吓佢，要佢心癢癢一陣先答佢，幾好玩。」
姊弟自爆被騙經歷
提到人生醜惡臉，Shin透露曾遇網騙呃錢：「我想買部2,000元的數碼相機，最後收到一部100元垃圾相機，好慘！」
王丹妮試過遇上自稱剛出獄男子扮慘，成功欺騙她的同情心：「我畀咗幾百元佢，同佢講加油，點知第二日經過又遇到佢在喊，雖然騙咗我善心，但我永遠覺得可能真係有需要嘅人要幫助，當用錢買咗佢演技。」
來源：張毓軒入戲深難自拔 王丹妮收工做自己 靠個女抽離 | 東方日報 | 娛樂 https://orientaldaily.on.cc/content/entertainment/odn-20230906-0906_00282_051/
那年盛夏丨張毓軒初會王丹妮被震懾 首闖視圈演天才姊弟
睇講座影片偷師
劇中飾演科技了得兼任職科技大企業研發部主管的Louise，笑言在現實中剛好相反，若然要使用手機程式或利用電腦做文書工作，多數要搵另一半或朋友幫手。Louise坦言面對對白中不少科技專業名詞，除了要加以了解，亦要背熟。講到難忘場面，Louise透露戲中有演講戲份，事前需要時間鑽研，睇了不少講座影片偷師。她說：「要學好多相關用語，甚至點樣增加自信心。」
童顏外表演學生
飾演超級高材生的張毓軒，表示角色性格好自負，難結交朋友，與戲中的姐姐王丹尼一樣性格執着。雖然離開校園多年，但今次挑戰扮演學生，張毓軒笑言沒難度，皆因外貌依然比較童真，相信觀眾能夠接受。談到首次跟Louise合作，張毓軒笑說：「我有睇電影《梅艷芳》，當見到她行入嚟就『嘩！梅艷芳呀！』佢把聲真係好似。初時佢畀我感覺好權威，我比較怕醜驚驚地，點知識落後發現佢好玩得。」Louise則笑指戲中的張毓軒不尊重她，但戲外是一位對演戲很認真的演員，好清楚知道自己表達甚麼感覺，從而跟對方對戲很快感受得到。